NATIONAL–Pormal nga ginserbi han Office of the Ombudsman an syahan nga kaso ha Sandiganbayan nga may kalabutan ha mga maanomalya nga mga flood control project.
Mahuman han 2 ka bulan nga imbestigassyon, paghikay han mga ebidensya, ngan mga testimonya, gin-anunsyo kakulop han Ombudsman an gin-isyu hini nga resolusyon in pagpasa hin kasong kriminal kontra ha pira nga mga may dabi ha kontrobersiya.
Sumala kan Assitant Obudsman Mico F. Clavano, ginsalawad nira hin kasong kriminal hira anay Ako Bicol Rep. Zaldy Co, pira ka opisyaol han Department of Public Works and Highways han Region IV-B, ngan board of diretors han Sunwest Corporation.
Partikular nga ginsalawad ha Sandiganbayan an mga kaso nga Malversation of Public Funds through Falsification of Public DFocuments, pagtalapas ha Section 3e han Republic Act 3019 o Anti-Graft and Corrupt Practices Act.
Samtang ginsalawad gihapon an bulag ngan dugang nga kaso ni Zaldy CO ha pagtalapas hini han Section (b) ng RA 3019 ha pagkarawat hin ‘unwarranted financial’ o ‘pecuniary benefits’.
May kalabutan an kaso ha flood control project nga konstruksyon han Road Dikes ha Mag-Asawang Tubig River ha Naujan, oriental Mindoro.
