-- Advertisements --
TACLOBAN CITY – Naglalaum an provincial government han Northern Samar nga malinampuson nga maipapatuman naging pahayag ni Presidente Rodrigo Duterte nga igduduso hini an pagpatindog hin damo nga mga evacuation centers ha bug-os nga nasud.
Una hini partikular nga ginmalatumat ni Presidente Duterte nga karuyag niya nga magtindog hin mga evacuation centers ha mga lugar nga kasagaran nga naiigo hin kalamidad sugad han Samar
areas ngan Leyte.
Sumala kan John Allen Berbon, tagapagyakan han Northern Samar Provincial Government, ira ginkakalipay nga gindungog han presidente an ira maiha na nga panawagan tungod nga dako daw an maibubulig han pagkakaada hin evacuation centers ha kada lugar ha panahon hin bagyo o anuman nga kalamidad.
