Nagpatindog an North Korea hin usa nga sekreto nga military base harani ha border han China nga posible butangan han pinakabag-o nga long-range ballistic missiles (ICBM) han nasabi nga authoritarian country.
Basar ha iginpublisar nga report, an “undeclared” Sinpung-dong Missile Operating base in gintindog 27 kilometers o 17 miles tikang ha Chiense frontier, an Center for Strategic and International Studies (CSIS).
An nasabi nga pasilidad ha North Pyongang Province in pwede makag-istak hin unom ngada ha siyam nga nuclear-capable intercontinental ballistic missiles ngan ira launchers.
Nakasurat gihapon ha report nga posible magdurot an nasabi nga weapons hin nuclear threat ha East Asia ngan continental United States.
Subay pa ha report, an nasabi nga military base han NoKor in usa ha 15 ngada 20 ballistic missile bases, maintenance, support, missile, storage, ngan warhead storage facilities nga waray igdeklara han North Korea.
