NATIONAL – Ginsigurado han buhatan han National Food Authority nga nakaandam ine nga bumaton ha mga panginahanglan han mga Local Government Unit partikular na ha pagdudul-ong han mga bugas nga gagamiton ha mga lokal nga pangobyernuhan ha ira mga disaster relief operations ha lugar nga apektado han kalamidad.
Ine in may paghisumpay ha mga pag-uran nga dara han naglabay nga bagyong Crising ngan epekto han Habagat.
Ha usa nga pahayag, ginmalatumat ni NFA Administrator Larry Lacson nga malaksi hira nga nakagpagawas hin suplay kasunod han hangyo han mga lokal nga pangobyernuhan.
Ginkakalakipan ine han 200 ka-sako hin bugas nga igindul-ong ha Puerto Princesa ngan 300 ka-sako han bugas para naman ha probinsya han Palawan.
Pag-eksplikar hine nga mas gutiay an nag-request han suplay ha NFA mahitungod ha madagmit nga prepositioning han relief sources han ira ahensya.
Utro gihapon hine nga ginsigurado nga mayda supresyente nga suplay han bugas an NFA nga magagamit ha oras nga kinahanglanon.
