TACLOBAN CITY – Ginsigurado han National Food Authority Region 8, nga maupay an kalidad han P20-kada kilo hiton bugas an igbabaligya han ira buhatan nga titikangan dinhi ha Sinirangan Bisayas.
Ekslusibo nga ginpakita han National Food Authority an kalidad han P20 per kilo hiton bugas nga tarihas ha mga nagsasarang nga impormasyon ha social media nga ine in mabaho ngan dire makaraon hiton tawo.
Sumala kan May Sarra A. Sabarre -Regional Manager II NFA 8, magdudugay an programa ha syahan Enero -Marso 2026 sunod nga tuig, ha ilarom ine hiton direktiba ni Pangulong Ferdinand Marcos Jr.
An nasabi nga bugas nga igpapagawas in dire tikang ha mga lokal nga parag-uma.
Dugang pa hiton nasabi nga buhatan, an nasabi nga pitad hiton gobyerno in agud nga mabuligan an mga parag-uma ngan unahon igbaligya an mga lokal nga produkto.
Ginkakahambog naman han National Food Authority 8, nga ha pagkayana mayda 62,877 bags an naka standby nga igpagawas para ha Sinirangan Bisayas nga nahihimutang ha Alang-Alang, ngan kun diin mayda naman 211K nga molinohan.
