-- Advertisements --
TACLOBAN CITY– Arestado an newly identified suspek hiton ilegal nga droga mahuman an gindumara nga drug buy-bust operation han mga kapulisan ha Barangay Zone 1, Sta.Fe Leyte.
Ginkilala an suspek kan alyas Mak-Mak.
Sumala kan PCpt. Claro Anthony Francisco, Chief of Police, Sta. Fe Municipal Police Station, nakuha ha posisyon han suspek an 1 ka sachet han gintutuohan nga shabu.
Ha pagkayana kapot na ine han mga otoridad ngan maatubang ha kaso nga pagtalapas hiton RA 9165 o Comprehensive Dangerous Drugs Act of 2002.
Ha lain nga bahin, ginpaangbit naman ni PCpt. Francisco, nga naka stand-by an ira mga tinaglawas, alinsunod na gihapon han syahan nga adlaw han filing hiton Certificate of Candidacy (COC) para hiton 2025 Midterm Election.
