INTERNATIONAL – Ginlalauman nga makikighampang hi Israeli Prime Minister Benjamin Netanyahu ha iya security cabinet yana nga Huybes agud paghampangon an plano han Israel Defense Forces nga sakupon an Gaza City, ha luyo han grabe nga international condemnation ha nagtitikagrabe nga humanitarian crisis ha rehiyon.
Sumala ha usa nga opisyal han Israel, ginhahango ni Netanyahu ha cabinet nga aprubaran an pitad agud ganap nga sakupon an Gaza Strip.
Ginpag-hisgotan gihapon an isyu ha sakob han tulo ka-oras nga pagharampang han limitado nga security cabinet dida han Martes.
Ginmalatumat gihapon han usa nga Israeli official nga karuyag ni Netanyahu nga pahalawigon pa an operasyon ha Gaza mahitungod nga natuo hiya nga dire interesado an Hamas ha panibag-o nga kamanduan para ha pagpapagawas han mga bihag.
Samtang, han kwestyunon an US State Department kasumpay ha posible nga opensiba, ginmalatumat han tagapagyakan hini nga hi Tammy Bruce nga dire nira tatagan hin meaning an mga pahayag han iba nga gobyerno, pero ginduon nira nga magpapabilin an ira panuyuan nga mapagawas an mga bihag ngan masigurado nga dire na utro pamumunuan han Hamas an Gaza.
