-- Advertisements --
TACLOBAN CITY – Padayon an mahugot nga pagpatuman han mga health protocols ha mga pasahero ha Allen Port ha Northern Samar.
Sumala kan Dexter de Leon, Acting Commander han Philippine Coast Guard (PCG) Northern Samar, ha pagkayana in waray hira may gin-aaro nga dokumento o travel authority tikang ha mga byahero ha mao nga pantalan.
Dugang pa hini nga nakadepende na ha ira mga LGUs nga kakadtuan kun magrerequire an mga ini hin travel pass, negative result han RT PCR test ngan iba nga mga dokumento.
Ha kaluyo hini in mahugot naman an pagpatuman han health protocols ha mao nga pantalan sugad han pagmentinar han physical distancing, pagpasul-ot hin face mask ha mga pasaheros ngan iba pa.
