Suportado han National Maritime Council (NMC) an suhestyon nga bisitahon han mga opisyal han Pilipinas an West Philippine Sea ngan Kalayaan Island Group agud mas maintindihan an sitwasyon didto.
Ine in ha butnga han mapaso nga balyuay han pahayag han mga magbabalaod ngan iba pa nga mga opisyal han gobyerno ha isyu.
Sumala kan NMC spokesperson USec. Alexander Lopez, naangay la ine mahitungod nga dire gud duro nga naiintidihan an sitwasyon ha ground.
Mahugot nga iginduon han opisyal nga an Kalayaan in teritoryo han Pilipinas kun diin mayda mga residente ngan lokal nga gobyerno, sanglit sakto la nga bisitahon an lugar agud ma-appreciate kun ano an mayda kita, kun kay-ano ini gindidig-unan, ngan kun kay-ano gindedepensahan an katungod ha Kalayaan Island.
Manunumduman, syahan nga gin imbitahan ni PCG spokesperson for the WPS Commodore Jay Tarriela hira Senator Rodante Marcoleta, iya anak nga hi Sagip Party-list Rep. Paolo Marcoleta ngan hi Senator Alan Peter Cayetano agud bisitahon an Kalayaan Island Group, kun diin magba-bonding ngan mag-eenjoy hira ha dagat han Pag-asa Island.
