TACLOBAN CITY– Ginkumpirma han Tacloban City Police Office, an usa nga black shoulder bag an natad-an nga mayda sulod nga mga armas ngan magazine ginturn-over ha mga otoridad han duha nga purupangisda.
Sumala kan PLtCol Allan Camasin, City Affairs & Development Unit Tacloban City Police Office, basar ha ira nakuha nga impormasyon, nangingisda ha kalalawdan an duha nga parupangisda ngan napurot han mga ine an nasabi nga itom nga bag.
Dayon naman an mga ine nag report ha mga otoridad ngan ginsurender ha Fishery Law Enforcement Team (FLET).
Ha panginano han mga otoridad, nahibaruan nga gintatag-iyan an nasabi nga mga armas hiton usa nga pulis nga naka-assign ha Regional office.
Ha pagkayana, nahibalik na ine ha tag-ada, ngan ginpasalamatan naman hine an mga parupangisda nga nag turn-over han iya bag.
