NATIONAL NEWS– Iisyuhan han National Police Commission (Napolcom) hin summons an mga pulis nga dabi ha kaso han mga nawawara nga sabungero.
Ine in agud nga matagan hin higayon an mga ine nga makag-esplikar.
Ka-kulop nga adlaw, opisyal nga nagsalawad hin complaint affidavit an whistleblower ha kaso ni Julie Patidongan alyas Totoy kun diin ginpan-ngaranan hine an mga pulis nga dabi ha pagpatay han mga sabungero.
Sumala kan Napolcom vice chairperson ngan executive officer Atty. Rafael Vicente Calinisan, kinahanglan anay nira makuha an baton han mga respondent ha akusasyon kontra ha ira sanglit papadad-an an mga ine hin kayat orders o summons.
Ginklaro naman ni Atty. Calinisan nga ada ha 18 nga pulis an ginngaranan ni alyas Totoy ha iya affidavit kun diin 13 dinhi in aktibo pa ha serbisyo samtang an 5 naman in na-dismiss ha serbisyo matungod ha ginkakadabihan nira nga kaso.
