-- Advertisements --
JARO, LEYTE – Naugbaw ha sunog an usa nga residential property nga sari-sari store ha Barangay Pange, Jaro, Leyte dida han nakalabay nga adlaw.
Basar ha impormasyon, nagtikang an nasabi nga sunog ha usa nga nakasinde nga katol o mosquito coil nga napabay-an ha sakob han balay.
Nakakarawat hin tawag an Jaro Municipal Police Station kun diin dayon nira ini ginpasabot an Bureau of Fire Protection agud rumesponde ha nasabi nga balay ngan mapuypuy an sunog.
Ginbabana-bana nga maabot ha P500,000 an danyos han mao nga insidente.
Samtang, waray naman nahipatik nga nasamaran o casualty ha mao nga panhitabo.
