TACLOBAN CITY – Patay an usa nga nanay samtang samaran naman an iya 1 anyos nga anak mahuman nga pagpusilon han iya amyaw ha Barangay Tinambakan District, Manahog siyudad han Calbayog.
Ginkilala an mga biktima nga hira Maria Jessebel Igrubay, 40 anyos an pangidaron ngan han 1 anyos nga anak hini.
Samtang an suspek naman in ginkilala kan Robin Jackson, 47 anyos an pangidaron ngan usa nga fish vendor.
Sumala kan PSSupt Nicholas Torre III, Provincial Director han Samar PPO, nga nanmamahaw ha karenderia ha mao nga lugar an mag nanay han daupon ini han suspek nga iya amyaw ngan tigda nala nga ginpusil.
Nahisabutan nga maiha na nga may away an duwa ngan ugsa matabo an insidente in nagkadibate pa an mga ini.
An kaparte han pamahayag ni PSSupt Nicholas Torre III, Provincial Director han Samar PPO
Dayon naman nga nadakop han mga kapulisan an suspek nga ha pagkayana in nakapaslak na ngan naatubang na ha kaangayan nga kaso.
Ginpahayag naman ni PSSupt Torre, nga padayon an ira ginbubuhat nga programa nga makakagpaubos ngan makakapag control ha natatabo nga sunod -sunod nga shooting ngan hacking incident ha mao nga siyudad.
Manunumduman nga dida la han nakalabay nga adlaw in 1 nga kapitan ngan habal-habal driver gihapon an patay mahuman nga panmumusil ha Brgy. San Jose ha Calbayog.
