ODD NEWS- Usa nga kompaniya ha Japan an nakaimbento hin usa nga high-tech nga klase hiton payong nga diri na ginkikinahanglan nga kaptan.
Ginparehos mangud ini han usa nga drone nga nalupad ngan nasunod ha tawo nga nagamit hini.
Mababaruan nga an mao nga payong in himo han kompaniya nga Asahi Power Service Co., usa nga kompanya nga nakabase ha Oyama, Tochigi Prefecture.
An mao nga telecommunications in eksperto ha panhimo hin mga high-tech sanglit nga usa han ira gin-imbento in an mao nga payong.
Samtang an presidente naman han mao nga kompaniya in ginkilala kan Kenji Suzuki hiya an nakahuna-huna han kakaiba nga konsepto tulo ka tuig na an nakakalabay, ini in mahuman niya maobserbaran nga makuri gumamit hin payong kun damo an dara nga gamit han usa nga tawo.
An mao nga payong in mayda na daan nga camera ngan mayda artificial intelligence sanglit nga maaram ini kun hin-o nga tawo an nagtatag-iya ha iya.
Plano unta han kompaniya nga igbaligya an mao nga payong ha publiko han nakalabay nga tuig 2020 , ha pagdudumaraon nga Tokyo Olympic pero ini in waray kadayon matungod han Coronavirus pandemic.
Hapagkayana in ginpapaupay pa han mao nga kompaniya an kapas han ira payong ha pagsunod han nagtatag-iya hini.
