Mahuman an tulo nga magkasunod nga semana nga paghitaas ha presyo han diesel, ginlalauman nga magkakamay-ada hin rollback o pag-ubos nga maabot hin P8 kada litro ha katapusan nga parte han Setyembre, sumala ha Department of Energy (DOE).
Ginlaluman gihapon nga ma-hamubo an presyo han Kerosene ha P6 kada litro, samtang, P0.90 kada litro an ig-iiban ha presyo han gasolina pero waray pa kumpirmasyon.
Ginpahayag ni DOE Oil Industry Management Bureau Director Rino Abad nga an estimated price adjustments in basar ha pagkiwa han presyo han pankalibutan nga lana ha syahan nga upat kaadlaw han trading.
Dugang pa ni Abad nga an potensyal nga paghamubo han presyo ha local pump prices in durot han partial resumption han Saudi Arabia ha ira oil export operations.
