NATIONAL – Gin kumpirma han Department of Information and Communications Technology nga organisasyon nga grupo an ada ha luyo han mga nagsasarang nga yana nga fake news online.
Ine mismo an gin kumpirma han buhatan ha ira gindumara nga monitoring mahuman nga mahipatik nga nagkamay-ada hin spike o paghitaas han hacking incidents nga ira nahipatik.
Ha ekslusibo nga interview han Bombo Radyo kan Undersecretary Jeffrey Ian Dy han Department of Information and Communications Technology, igin eksplikar hine nga mayda daw ine koneksyon ha pagkakaaresto kan Former President Rodrigo Roa Duterte.
Mahitungod nga naka-disensyo daw an hacking nga nadiskubrehan nga nagpapasarang hin sayop nga impormasyon agud lipungon an publuko kasumpay ha legalidada han pagkaka-aresto han anay presidente.
Igin paangbit gihapon han nasabi nga opisyal an ira pagkabaraka mahitungod han ira nadiskubrehan nga posible organisado nga grupo an pasimuno han sugad nga ilegal nga buruhaton.
Dugang pa hine, an pira han ira mga namonitor nga hakcers in mga Pilipino nga presente aadto ha abroad.
