TACLOBAN CITY – Nagpapayon pa an imbestigasyon han mga kapulisan may kalabutan han natad-an nga patay nga lawas han usa ngamenor de edad ha Sitio Haras, Baranggay Hubang, Alang-alang, Leyte.
Sumala kan PO2 Benevelle Fuentes, Assistant WCPD han Alang-alang PNP nga una nga nagreport ha ira buhatan an usa nga parag-uma nga hi Alfredo Bangtanos may kalabutan han nakit-an hini nga patay nga lawas ha usa nga irrigation canal ha mao nga lugar.
Dugang pa ni PO2 Fuentes nga guinkilala ang biktima nga hi Jazel Abala, 7 anyos an pangidaron ngan residente han Sitio Tegbi, Baranggay Hubang Alang-alang, Leyte.
Basi ha initial na imbestigasyon han mga kapulisan nga dida pa han nakalabay nga petsa 5 han Agusto nawawara an mao nga bata kun diin guintuuhan nga an pagkalumos hini ha kanal an hinungdan han kamatayon.
Samtang, waray pa naman mahisabti kun may foul play an pagkamatay han mao nga menor de edad.
