-- Advertisements --
TACLOBAN CITY – Mahinungdanon nga ginselebrar yana nga adlaw han Muslim Community ha Tacloban an ira Islamic New Year.
Sumala kan Sultan Esmael Mesug, presidente han Muslim Community Chamber ha Tacloban, nagkaurusa an ira komunidad ha syudad ha selebrasyon han ira new year.
Dugang pa hini nga kumpara han New Year han mga Katoliko, an selebrasyon han mga Muslim han ira bag-o nga tuig in nakasentro ha pag-aayuno o pagfafasting tungod nga ini daw an sugo han ira propeta.
Mayda naman pipira ha ira nga nag-aandam hin mga pagkaon ha kada new year pero kaurugan in nagsusunod ha ira pag aayuno ngan pag-ampo o pagpasalamat han panibag-o nga tuig para ha ira.
