![](https://img.bomboradyo.com/tacloban/2022/03/91043.jpg)
ODD – Usa nga grupo hin mga archeologists nga nagdudumara hin mummy excavation ha Taposiris Magna Temple, usa nga kadaan nga Egyptian site ha western Alexendria, Egypt, an nakadiskubre han 16 burial sites kun diin an usa ha mga nakalubong nga mummy in may dila nga himo ha gold.
An 16 nga naukab ha mga lubnganan in sobra 2000 katuig na nga nakalubong.
Subay ha teorya han mga archeologist nga nakadiskubre ha mummy nga may gold nga dila, ini in posible nga gintanggalan hin dila han gin-eembalsamo pa ini ngan ginbalyuan hin gold nga dila.
Nagtutuo an mga ancient Egyptians nga ha kaluyo nga kinabuhi in makakaistorya nira an Egyptian God nga hi Osiris kun himo ha gold an ira dila.