Usa nga 23-anyos nga lalaki ha Poland an nanganganib nga mapreso hin walo ka-tuig mahuman umorder hin ginatos-gatos nga pizza gamit an mga ngaran han iba nga tawo ngan ginpadara an mga ini ha magkadurudilain nga address ha ansud.
Arestado an suspek tikang ha Szczecin (Set-chen) mahuman imbestigaran han Central Bureau for Combating Cybercrime an serye han bogus pizza orders nga nagdurot hin dako nga pagkalugi ha pira nga restaurant.
Sumala ha mga otoridad, dire maaran an mga tawo nga nakangaran kumo recipients nga may mga order nga ginhimo gamit an ira impormasyon.
Ha usa nga higayon, gintutuohan nga umorder an suspek hin 300 pizza nga nagkakantidad hin sobra 37 zlotys o P600,000. May pira nga restaurant naman an napiritan nga kanselahon an dagko nga order mahitungod nga dire nira akos makag-andam hin sugad kadamo nga pizza, mayda naman iba nga naka-eksperyensiya hin dagko nga financial losses han masabtan nga peke ini.
