NATIONAL – Igin anunsyo han Department of Agriculture (DA) nga maubos na an maximum suggested retail price (MSRP) han mga imported nga bugas tinikangan ha adlaw han Sabado, Marso 1.
Ha usa nga pahayag, ginmalatumat ni DA Sec. Francisco Laurel Jr. nga ig uubos na ha P49 kada kilo an MSRP han gin angkat nga bugas, ha pinakasyahan nga higayon tikang han magkamay-ada hin MSRP.
Gin klaro naman han opisyal nga dire igpapatuman an nasabi nga MSRP ha bug-os nga nsud, lugod, magpapatuman an DA hin surgical approach pinaagi han pag implementa han mas habubo nga MSRP ha pili nga lugar ha Metro Manila, key cities, ngan iba pa nga urban centers.
Damo na daw manggud ha mga lugar ha probinsya an nakitaan hin pag-ubos han presyo han imported rice kumpara ha MSRP.
Panuyo naman han pagpapatuman han MSRP ha imported rice nga makontrol an retail prices han mga gin angkat nga bugas agud magin sakto ha steady nga pag-ubos han mga presyo ha world market ngan ha desisyon ni Presidente Ferdinand Marcos Jr. nga ibanan an taripa ha imported rice tikang ha 35% ngada ha 15%.
