-- Advertisements --
TACLOBAN CITY – Usa nga motorsiklo an bumunggo ha usa nga awto ha may highway han Caraycaray Bridge ha Brgy. Caraycaray, Naval, Biliran.
Sumala kan Naval Municipal Police Station Officer-in-Charge, PMaj. Chamberline Ludevise, an awto in tikadto ha proper han Naval samtang an motorsiklo naman katapo han awto.
Basar han imbestigasyon, kumawat han linya han katapo hine nga awto an motorsiklo rason nga bumunggo ine ha awto, kun diin nahilabog an drayber han motor ngan an bata nga angkas hine.
Dayun naman an mga ine nga gindara ha pinakahirani nga hospital agud matagan hin atensyon-medikal.
Nagawas naman ha imbestigasyon nga diri rehistrado an motor ngan waray lisensya an nasabi nga drayber.
