Ginatos gatos nga mga supporters ni mayoralty candidate Bernie Tacoy iton nakiusa haiya ha gindumara nga motorcade yana nga adlaw Marso 25 ha Matag-ob, Leyte ha opisyal nga pagtikang hiton kampanya para ha lokal nga posisyon.
Kaupod ni Tacoy ha caravan an iya anak nga Vincent Lynbern Tacoy nga nakandidato kumo vice mayor han mao nga bungto ngan an bug-os nira nga slate kon diin nakasul-ot an mga ini hin green nga t-shirt nga may nakasurat nga Team BGT ngan One Matag-ob nga simbolo han ira pagkaurusa.
Ha mensahe ni Tacoy ha atubangan han iya mga supporters, ginpatapod hini an maupay nga pangobyernuhan nga waray ginpipili ngan progreso ha mao nga bungto.
“Diri sa Matag-ob minus sa oportunidad. Pwede ko magda diri mga negosyo tungod kay daghan koy mga higala tibuok sa Pilipinas ug sa laing nasod nga pwede magnegosyo diri para daghan tag mahatag nga trabaho. Magserbisyo ko kaninyo kinasingkasing”, pahayag ni Tacoy.
( Dinhe ha Matag-ob gutiay an oportunidad pagtrabaho. Damo iton akon mga kasangkayan nga negosyante ha bug os nga Pilipinas ngan iba nga nasod nga pwede magnegosyo dinhe agud makaghatag hin trabaho. Magserbisyo ko haiyo hin kinasingkasing. )
Palaron man daw o diri ha piniliay, magpapatindog hiya hin ospital ha Matag-ob pinaagi han BGT Cares Foundation.
“Ang ila gisulti, tumanon na ko tanan alang sa kalambo-an sa tibuok nga Matag-ob”,kadugangan nga pahayag ni Tacoy.
( An ira ginyakan, tutumanon ko para ha kaupayan han bug-os nga Matag-ob.)
