TACLOBAN CITY – Nakatalaan nga magdumara hin mock elections an Commissions on Elections ha Borongan City ngan Lawaan, Eastern Samar ha masunod nga bulan.
Sumala kan Special Task Force for 2025 National and Local Elections and BARMM Parliamentary Election Chairman, Atty. Jose Nick Mendros, posible nga pagdumaraon an mock elections o dry run ha katapusan han Nobyembre.
Ginlalauman naman nga maabot ha ngatanan nga munisipyo an mga makina nga gagamiton para ha piniliay ha katapusan han Nobyembre.
Kumpara han mga nakalabay nga eleksyon kun diin tag-usa la an makina ha Samar ngan Leyte, yana daw in pagtatag-urusahan an kada munisipyo.
Samtang, magkakamay-ada naman hin massive demonstration ha paggamit han nasabi nga makina ha ngatanan nga bungto ha maabot nga Disyembre ngan Enero.
