Usa nga peligroso nga pitad an gin buhat han usa nga misis mahuman ini sumabit ha luyo han na andar nga pickup truck han iya asawa agud dakpon kun may-ada ba ini upod nga iba na babaye.
Nakakarawat hin report an mga traffic police ha Maralbexi County tikang ha mga nahikalasan nga motorista kanit ha usa nga babaye nga nakakapyot ha luyo han na andar nga truck.
Han pumara an mga otoridad ha sarakyan, nadiskobrehan han mga ini nga an nakasabit nga babaye in misis mismo han driver.
Basar ha imbestigasyon, kumbinsido an babaye nga may-ada gin kakakita nga babaye an iya mister. Rason kun kay ano usa kagab-e, pa sekreto ini nga gumawas ha ira panimalay agud sumakay ha truck. Kumapyot ini ha luyo han sarakyan agud sundan an iya mister ngan madakop ini ha akto.
Sumala ha mga sa otoridad, maswerte an babaye nga nakatalwas ini ngan waray ini mga samad. Mahitungod nga kun nagin mas madagmit an padalagan han asawa hini o kun umagi ha malubak nga kalsada, puydi ini mahulog ngan mamatay.
Nakagbayad hin 200 yuan (o subra P1,700) an lalaki ngan gin ibanan hin tulo ka puntos an lisensiya hini mahitungkd ha kapabayaan ngan waray pag inspeksiyon han iya gin mamanehoan nga sasakyan ugsa lumakat.
Gin gamit han mga awtoridad an viral nga isturya kumo pahimatngon ha mga mag-asawa nga ig agi ha maayos nga pag isturya an mga problema ha pamilya.
