TACLOBAN CITY– Makarimadima an gindangatan han usa nga 13-anyos nga babayihay, nga gin-aaligar ginlugos, ugsa patayon ngan taguon ha altar hiton usa nga kapilya ha Brgy. Hipusngo, Baybay City, Leyte.
Sumala kan Police Master Sergeant, Vincent Moquia,Duty Investigator, BayBay City Police, nga natad-an nira na biktima nga nakadto han sulod hiton kabinet ilarom han altar han kapilya ha nasabi nga lugar.
Dugang pa ni Moquia, waray na panapton an nasabi nga babayihay han makit-an ine hiton mga otoridad ngan waray na gihapon kinabuhi.
Subay naman ha salaysay han tatay hiton biktima, tumawag pa ha iya an iya anak samtang hiya in nagpapa dialysis, ngan ha iya pag-uli in waray na niya mahikit-i an iya anak, ngan dire na gihapon ma-kontak an cellphone hine.
Ginprobaran pa hine nga pamilngon an iya anak magpuon hiton gab-i, ngan pagkinabuwasan in nagdisisyon an tatay hiton biktima nga magreport ha kapulisan.
Dayon naman nga nagdumara hin aksyon an mga otoridad, ngan ha bulig hiton mga residente, gintudlok han mga ine nga posible aadto ine ha sulod hiton simbahan.
Ha panginano han kapulisan, dire an mga ine nagdadahom nga an ira makikit-an in patay nga lawas han biktima.
Dugang pa ni Moquia, waray naman nakit-an nga pasa ha lawas han biktima, labot la ha dugo ha iya irong.
Ha pagkayana, mayda na hira person of interest ngan ginpapanginano nira an ngatanan nga angulo ngan posibiledad han nasabi nga pagpatay.
