ODD NEWS– Usa nga social media influencer ha Nigeria nga kinilala kan Eze Nwalie Nwogu o mas kilala han mga Nigerian netizens kumo hi “Pretty Mike” an nahireport nga naburod hin durungan an iya 6 nga asawa.
Nag-viral hi Pretty Mike, nagtatag-iya hin mga high end night club ha Nigeria, mahuman igpost ha social media app nga Instagram an iya litrato ngan video kaupod an 6 niya nga asawa nga pare-pareho nga mga burod.
Makikit an ha Instagram post nga ginhihimas pa niya usa-usa an mga tiyan hini ngan malipayon ngan game naman an ngatanan han iya mga asawa.
Bisan nga nakakarawat hin kritisismo an post ngan gindudumog hiya han grupo han mga Women’s rights activists ha Nigeria, nag-post pa utro hi Pretty Mike hin litrato nira nga magkasapit ha kama.
Nagpa-contest pa ini ha iya mga followers nga magpapapremyo hiya hin kwarta kun hin o an makapaghahatag hin maupay nga hashtag ha ira kakaiba nga pamilya.
