TACLOBAN CITY – Naghatag hin kabatonan an Mines and Geosciences Bureau Region 8 ha padayon nga naghahangyo nga igundang iton pagmimina ha rehiyon matungod ha maraot nga epekto hine ha kalibungan.
Ginpahayag ni Leo Van Juguan Regional Director han Mines and Geosciences Bureau Region 8 nga naagi ha proseso an mga nagdudumara hin pagmimina ha rehiyon ngan mayda an mga ine expertise ngan kapabilidad ha pinansiyal ngan economic asya naman nga gintatagan an mga ine hin permiso ngan kontrata ha pagmimina.
Nagdudumara daw gihapon hira hin consultation ha mga katawhan para ipahamtang an magiging epekto hine ha komunidad.
Samtang,abre naman daw hira pagkarawat ha mga igpapadangat ha ira nga reklamo matungod nga mayda naman daw ginpapatuman nga sanction an gobyerno pananglitan makitaan hin violation an mga kompaniya.
Una hine in mayda mga bungto nga nagpapadangat hin Open Letter matungod ha iresponsible mining ngan waray daw gihapon katuman nga mga saad nga pagrehabilatate.
