INTERNATIONAL–Gin-ugsod hin sobra usa ka oras an mga tren ha Italy han Sabado ha (Italian time) ha ginsususpeta nga sabotahe, mahuman nga masunog an mga kable han tren kadungan han pagdumara han Winter Olympics ha Milan ngan Cortina d’Ampezzo tikang han ika 6 han Pebrero.
Apektado an mga serbisyo ha parte han Naples ngan Rome, sugad gihapon an linya tipakadto ha norte han Florenze.
Ginkodema naman ni Transport Minister Matteo Salvini an insidente ngan nanawagan hin pagbaton para ha mga responsible sugad han kaparehas nga problema nga naabat han ahensya han naglabay nga Dominggo.
Giniimbestigahan na ha presente han mga otoridad an ginaalegar nga nasunog nga mga kable ha usa nga seksyon han high-speed line ha parte han Rome ngan Naples, pati na gihapon an duha ka possible nga kaso hin vandalism ha Kabisera ngan Florence.
Han naglabay nga Sabado, syahan nga adlaw han Winter Olympics, gin-claim han usa nga anarchist group an responsibilidad ha pagatake ha network harani ha Bologna.
Kun diin naruba an imprastruktura han riles nga nagdurot hin sobra 2 ka oras nga delay ha high-speed, Intercity, ngan regional train services.
Nagpapadayon an panginginano agud nga matudlok an mga suspek ngan malikayan an dugang nga pag-ugsod ha transportasyon samtang nagpapadayon an mga mulay.
