TACLOBAN CITY- All set na an pira nga mga tinaglawas han Philippine National Police (PNP) ha syudad han Tacloban ine in kasumpay ha nagtitikaharani nga May 9 lokal and national elections.
Sumala kan P/Capt. Concas Castillo,OIC Police Station 1 San Jose, nga nag deploy na an ira buhatan hin mga PNP personnel, ha pira nga mga eskwelahan 1 kasemana ugsa an piniliay.
Dugang pa han mao nga opisyal, nga hapagkyana in mayda tentative nga schedule an Comelec nga ha pag-abot han Mayo 4, in igpapandestrebwe na an mga Vote Counting Machine VCM ha mga ekswelahan nga gagamiton ha Mayo 9.
Ha mao nga himangrawon, otomatiko na nga mayda naka stand-by nga mga tinaglawas han PNP, kun diin sisiguraduhon han mga ine nga talwas an VCM nga maisusulod ha mga polling precinct, agud nga dire magkamayda hin problema ngan sugadman sabotahe nga ginlilikayan nga mahitabo yana nga elekyon.
Ginsigurado naman han mao nga opisyal nga 24/7 an ira hihimuon nga pagbabantay ha oras nga igdeliver an mga VCM ha mga eskwelahan.
