Gin anunsyo han Department of Agriculture (DA) nga makaratwat hin cash assistance an mga parag-uma ngan paru-pangisda yana nga Abrilmahitungod ha nae-eksperyensyahan nga dugang-presyo ha lana durot han krisis ha Middle East.
Sumala kan Director Lorna Belinda Calda han Department of Agriculture, makakakarawat hin P5,000 an mga parag-uma nga nagamit hin traktor, samtang an mga paru-pangisda nga mayda motorized banca in makakakuha naman hin P3,000.
Ginmalatumat han DA nga mayda hira P100 milyon nga pondo agud batunon an programa nga matatagamtaman han ada ha 14,400 nga parag-uma ngan 15,669 nga paru-pangisda.
Syahan hini mayda P10 bilyon nga pondo para ha 4.217 milyon nga benepisyaryo ha ilarom han Presidential Assistance to Farmers and Fisherfolk nga igpapagawas yana gihapon nga bulan han Abril.
Makakalarawat naman hin P3,200 an kada parag-uma tikang ha Rice Competitiveness Enhancement Funds ha ilarom han Rice Farmers Financial Assistance (RFFA).
Kasumpay hini, nagpatapod naman an Department of Social Welfare and Development (DSWD) nga mabaton ha mga maaapektaran nga minimum wage earners ngan middle class kun magpapadayon an krisis ha Hunyo ngan Hulyo.
Ha yana, waray pa hira sigurado nga plano kun ano nga sektor an masunod nga makakatagamtam pero nakaandam naman daw an ira pondo.
Gin sigurado naman han Department of Budget and Management (DBM) nga mayda supresyente nga pondo an gobyerno agud batunon an epekto han krisis ha Middle East ngan mga kalamidad, labi na ha pagtitikang han tag-uran ha bulan han Hunyo.
