Nanawagan an mga pamilya han mga biktima han kampanya kontra-droga nga arestuhon hi Senador Ronald “Bato” dela Rosa in kaso nga igpagawas han International Criminal Court (ICC) an warrant of arrest kontra haiya.
Subay ha grupo nga Rise Up for Life and for Rights, maiha na nira nga ginhuhulat an adlaw nga mapreso an mga kasabwat ni anay Presidente Rodrigo Duterte ha ICC.
Gin malatumat ni Llore Pasco, nawarayan hin duha nga anak ha anti-drug operations, nga “deserve” ni Bato nga makaupod hi Duterte ha presuhan mahitungod ha iya papel ha mga pagpatay.
Iginduon han grupo nga ni dela Rosa an nagpahaluag han “Davao Death Squad” model ha nasyunal nga lebel han hiya an magin hepe han Philippine National Police.
Sumala naman kan Rubylin Litao, National Coordinator han Rise Up, hi dela Rosa in klaro nga kasabwat ha mga krimen kontra ha “sangkatauhan.”
Dugang pa ni Jane Lee, namatay hin asawa ha tokhang, padayon hira nga naglalaum nga mapreso an mastermind ngan ngatanan han dabi.
Gin ayat gihapon han grupo an administrasyon Marcos ngan an Senado nga dire magin darangpan han mga kriminal ngan siguraduhon an hustisya para ha mga biktima.
