TOP–Ginlalauman ni Defense Secretary Gilbert ‘Gibo’ Teodoro nga magigin malinawon an ‘Trillion Peso March’ nga bubuhaton ha Domingo, ika 30 han Nobyembre ha Manila, Quezon City.
Siring ni Teodoro nga natuod hiya nga magigin maupay an katitirok han mga iba iba nga grupo ha luyo han mga posible nga pag ayat.
Iginduon ni Teodoro nga pirme naka-andam an gobyerno ha ano man nga ‘worst-case scenario’ kaya mayada mga naka-abang nga ambulansya ngan emegency services in parte han contingency plan.
Sumala ha Philippine National police, sobra 15,000 kapulisan an ide-deploy para masiguro an kamaupay ngan katalwasan han publiko.
Natapod an Metropolitan Manila Development Authority nga maabot ha 50,000 katawo an makikitirok, nga rason in pagpatuman hin rerouting ha mga panguna nga kalsada.
An Trillion Peso March an ikaduhga nga dako nga kilos-protesta kontra ha inaligar nga trillion-peso anomalies ha flood control projects han gobyerno.
Ha luyo han mga pahimatngon, ginsigurado ni Teodoro nga tatahuron an katundangan ha malinawon nga katitirok pero ginpahimatngon an mga grupo nga magpapatikang hin komosyon nga pwede hira dakpan.
