-- Advertisements --
Pumalit hin 21,000 metriko tonelada nga mga liquefied petroleum gas (LPG) an Department of Energy (DOE) ngan Philippine National Oil Company (PNOC) tikang ha Estados Unidos.
Sumala ha DOE, maabot ha Batangas ini nga bag-o nga suplay hin LPG ha bulan han Mayo.
Panuyo han DOE ngan PNOC nga masiguro ngan mapakusog an suplay han LPG ha Pilipinas, labi na kay damo nga mga pamilya ngan negosyo an nagamit hini para ha ira pagluto.
Padayon pa nga nakikigsumpayan an DOE ha gobyerno ngan mga stakeholders para ha seguridad han enerhiya, ha pagpabilin nga stable an suplay hini, ngan para ha proteksyon han panginginahanglan han mga Pilipino nga nagamit hin LPG.
