TACLOBAN CITY – Ginpatapod han Department of Labor and Employment (DOLE) Regional Office 8 nga waray natatabo nga pagdoble han mga benepisyaryo han Tulong Panghanapbuhay sa Ating Disadvantaged Workers Program (TUPAD).
Sumala kan Atty. Cecilio Baleña, mediator-arbiter han DOLE Regional Office 8, nga imposible daw nga magkaada hin duplication han mga beneficiaries mahitungod nga ginkikita anay ha mga Local Government Units an listahan han mga ini sano naman umabot ha ira opisina.
Dugang pa ni Baleña nga kun matabo man nga nadoble an paghatag, kikinahanglanon liwat nga igbalik ini ha gobyerno.
Basar ha datos, in mayda naka alotaga nga P1.9 billion para han mao nga programa yana nga tuig nga kun diin, dida aada na ha P754 million an naihatag ha mga benepisyaryo ha bug-os nga rehiyon.
“Tikang hadton 2022, may ada na kita 689,676 nga mga tawo nga nabuligan pinaagi hini nga program. Ini nga program, TUPAD, baga ini hin temporary employment nga pagswesweldohi hitun atun mga beneficiaries hin minimum wage, it ranges from 10 days to 15 days nga pagtrinabaho nira” yakan ni Baleña.
