LISBON, PORTUGAL – Samtang seryoso an mga kalagsan ha Portugal ha pagpili han masunod nga presidente han ira nasud, nagin busy gihapon an mga bata ha ira kalugaringon nga bersyon han eleksyon.
Ha usa nga polling station ha Lisbon, an kabisera han Portugal, gintagan hin higayon an mga bata nga umupod ha ira mga kaganak nga maabatan an aktwal nga pagbotos. Pero ha ka luyo han mga litrato han mga nadalagan nga pulitiko, an mga “kandidato” ha ira balota in mga sikat nga fictional characters sugad nira Super Mario ngan mga Roblox characters.
Panuyuan hini nga inisyatiba in igpa-eksperyensiya ha kabataan an importansiya han demokrasya ngan civic duty samtang hira in bata pa. Sumala ha mga kag-anak han mga ini, maupay ini nga training agud dire dumako nga apathetic o waray pakialam an mga bata pagulpot nira hin 18-anyos. Karuyag nira igtutdo nga an pagbotos in dire dapat ginlilikyan ngan dapat masabtan han mga kabataan nga an pagbotos han ira katungod kumo molupyo ngan obligasyon ha nasud.
Pamamaagi han simple nga pagpili han ira paborito nga cartoon o video game character, maadman nira an bug-at han pagdesisyon ngan pakiki-api ha komunidad.
