NATIONAL – Mahitungod ha padayon nga paglobo han mga kaso han mpox ha nasud Africa in didto la anay igbubuhos han World Health Organization an bulto han mga bakuna kontra ha nasabi nga virus.
Ine an ginkumpirma han Department of Health mahuman nga makipag-meeting ha mga tinaglawas han World Health Organization.
Nakighampang daw gihapon an ahensya ha mga health expert kasumpay ha nasabi nga sakit.
Sumala kan Health Secretary Teodoro Herbosa, nagkasarabot an damo nga nasud nga ha yana igpukos la anay ha Africa an distribusyon han bakuna kontra ha mpox.
Panuyo hine nga dire na magsarang pa ine ha mga kahigrani nga nasud.
Basar ha datos han DOH, umabot na ha yana ha 12 an kaso han mpox mahuman nga mahipatik an duha nga bag-o nga kaso hine ha Metro Manila.
Ha kaluyo hine in ginsigurado han ahensya nga nagpapa-reserba la gihapon an Pilipinas han nasabi nga bakuna kontra ha mpox,
