TACLOBAN CITY: Andam na an mga atleta han rehiyon, nga igsasabak para ha Palarong Pambansa 2024 nga pagdudumaraon ha Cebu City.
Sumala kan Jasmin Francisco Calzita, Information Officer Department of Education, DepEd Region 8, nga maabot ha 737 an tanan nga mga mapakadto ha nasabi nga paisan-isan, ha mao nga ihap 506 dinhe an mga competing athletes, 109 an technical group, ngan 122 naman dinhe an coaches, and Chaperon nga ma-asister ha mga kabataan.
Dugang pa han mao nga opisyal, nga an pangandaman, naman ha pagkayana in kada division kun diin sumatotal in andam naman an mga ine.
Ginmalatumat ni Calzita, nga ha Hulyo 4, an syahan nga batch nga mapakadto ha Cebu City, ngan ha Hulyo 5 naman an ika-duha nga batch, sugadman ginlalauman han ira buhatan nga an tanan nga mga delegado kalakip na an ira mga coaches in makaka-abot na ha pagtamak hiton Hulyo 7, 2024.
Mababaruan, magtitikang mangud an Palarong Pambansa 2024, ha Hulyo 9, ngan maghuhuman ine ha Hulyo 16, han presente nga tuig.
