TACLOBAN CITY – Narekober han mga kasundaluhan han 802nd Infrantry Brigade han 8th Infantry Division an mga armas nga gingagamit han mga terorista ngan walhun nga grupo ha kabukiran nga parte han Brgy. Buak Dako Sugod Southern, Leyte, dida han nakalabay nga adlaw.
Sumala kan Philippine Army 8th Infantry Division-802nd Infantry Brigade Civil Military Operations Officer, Cpt. Ma. Angela Jane Gaitera, an nasabi nga mga armas in nadiskubrehan pinaagi han pagtudlok han mga membro han walhun nga grupo nga nagsurender durante han programa nga Wish Upon A Star han 802nd Infantry Brigade.
Narekober han 14th Infantry “Avenger” Battalion an usa nga M16 rifle, usa nga magazine, ngan iba pa nga mag subversive documents.
Gintudlok an lokasyon han nasabi nga mga higamit han mga anay membro han Island Committee LEVOX, kun diin padayon na ine nga nagtitikaluya mahitungod han padayon nga mga pitad ngan operasyon nga gindudumara han 802 Infrantry Brigade han 8th Infantry Division ha mga isla hiton Leyte.
Samtang, igin kalipay naman ni 802nd Infrantry Brigade Commander, BGen. Noel Vestuir an pagtapod ha gobyerno ngan militar han mga anay membro han walhun nga grupo agud magkamay-ada hin kahimyang an rehiyon.
