-- Advertisements --
INTERNATIONAL – Gintanggal na han Meta an mga restriction ha Facebook ngan Instagram account ni anay US Pres. Donald Trump kadungan han tiarabot nga 2024 elections.
Basar ha statement nga igin pagawas ha social media giant, ginkikilala daw hine an katungod han mga US citizen nga mabatian an mga nominado ha pagka-Presidente han nasud.
Ine kaparte daw han responsibilidad han Meta nga tugutan an political expression.
Subay ha pa Meta, an ngatanan han US presidential candidate in magpapabilin nga gigiyahan an community standards. An nasabi nga standard in kaparehas gihapon han nag-gigiya ha ngatanan han mga Facebook ngan Instagram users ha bug-os nga kalibutan.
