VILLABA, LEYTE – Ginsigurado han mga kapulisan nga mahugot iton ira pagbabantay ha bungto han Villaba, Leyte agud malikayan iton mga kasamok nga posible mahipatik ha mao nga bungto.
Sumala kan Villaba Municipal Police Station Officer in Charge, PMAJ Ian Salvador Po nga doble iton ira paningkamot agud masigurado an seguridad han bungto in labi na yana nga panahon han pagsasalawad han mga aspirants han ira Certificate of Candidacy.
Dugang ni Po nga usa an mao nga bungto iton barantayan nga kun diin, mayda mangud mga parte han Villaba nga nahipapatik nga mayda mga untoward incidents.
Sumala pa hini nga doble iton paningkamot han Villaba MPS kaupod an mga nagpaka-augment nga kapulisan ngan sundalo agud mapabilin gihapon iton kahimyang ha mao nga bungto.
Samtang, ginlalaum naman han opisyal nga magpapabilin nga waray kasamok o mga matatabo nga insidente kutob ha kahuman hiton COC filing.
