NATIONAL NEWS– Ginkwestyon ni Senador Rodante Marcoleta an kapasidad ni Batangas Rep. Leandro Leviste nga ig esplikar an sulod han “Cabral Files” ha butnga han imbestigasyonhan Senado nga gin-aaligar anomalya ha flood control projects.
Sumala kan Marcoleta, waray dapat “personality” hi Leviste agud nga tumestigo kasumpay ha substansiya ha n mga dokumento matungod nga dire ine kaparte han Department of Public Works and Highways ngan waray kalabutan ha pag-andam hiton mga report, konsolidasyon ngan mga minutes, o mga dokumento nga may kasumpay ha badyet.
Gindig-unan gihapon hiton Senador nga limitado la an testimonya ni Leviste kun pati-unano hine nakuha an mga dokumento nga ginsisireng nagtikang ha opisina han tumalikod na ha kadayunan nga hi DPWH Undersecretary Catalina Cabral.
Ginmalatumat gihapon ni Marcolete nga may pira ng mga opisyal han DPWH an bumaribad nga kumpirmahon an pagigin valid han mga dokumento.
Mababaruan nga kalakip hi Leviste ha gin-imbitaran ha hearing han Senate Blue Ribbon Committee nga nanginginano ha “Cabral Files,” nga gin-aaligar magbubuyagyag hiton posible nga insertions ha 2025 national budget.
