NATIONAL – Ginsaway han mga miyembro han House Quinta “Murang Bigas” Committee an pira nga ahensya han gobyerno mahitungod nga diri nagdadagmit an mga ini nga mapahamubo an presyo han bugas ha nasud.
Kalakip ha mga ginsita in an Department of Agriculture (DA), Department of Trade and Industry (DTI), ngan National Food Authority (NFA).
Ha ika-lima nga hearing han mega panel kasumpay ha hitaas nga presyo han bugas ngan iba pa nga pagkaon, ginsusnan han mga magbarala-od an kapakyasan han mga lider han mga nasabi nga ahensya.
Samtang, ginmanduhan gihapon hira nga magpagawas hin draft para ha deklarasyon han food security emergency kun diin sobra na usa ka-semana mahuman nga iginpahayag ni President Ferdinand Marcos Jr. nga pabor hiya ha nasabi nga deklarasyon.
