NATIONAL – Gin panhimuwa han Malakanyang an mga akusasyon ni Senador Imee Marcos nga mayda ‘sabot-sabot’ nga nahitabo ha administrasyon ha gindumara nga pag-aresto kan anay Presidente Rodrigo Duterte.
Sumala kan Palace Press Officer Claire Castro, waray kamatuuran an mga ginpahayag han senadora.
Ginmalatumat gihapon ni Castro nga waray na hira hipausa ha ginpahayag ni Marcos mahitungod nga ugsa pa man hine tikangan an pagdungog in klaro na kun anu an iya posisyon o panlantaw ha isyu.
Manunumduman nga ginpahayag ni Sen. Marcos nga magpapagawas hiya hin final result han iya imbestigasyon kasumpay ha daw plano nga pitad para palaprakon an mga Duterte.
Sumala hine, mayda mga iregularidad ha pagkaka-aresto kan anay Presidente Duterte nga dire subay ha balaod han Pilipinas.
