Igin anunsiyo ni Pangulong Ferdinand Marcos Jr., nga tikang hit Martes, Abril 14, igpapatuman an dako nga rollback ha presyo han lana.
Maabot ha subra P20 an ig uubos han presyo han diesel, samtang P4.43 naman ha kada litro han gasolina. Maubos gihapon ha P8.50 an kada litro han presyo han kerosene.
Sumala pa ha Presidente, ini nga rollback in magseserbi kumo dako nga ginhawa para ha mga tsuper, commuter, ug mga pamilya nga Pilipino nga padayon na-aapektohan han hitaas nga presyo han krudo.
Samtang, gin amin naman han Presidente nga diri pa supresyente an mao nga pitad. Gin tagan duon pa hini, nga padayon naghihimo an gobyerno hin pitad agud maibanan an epekto han paghitaas han presyo han mga papliton ha kinada adlaw.
Igin duon pa hini nga diri maundang an gobyerno samtang diri nahimubo an gastos ha transportasyon, pagkaon, ug iba pa nga mga pangunahon nga panginahanglan.
Dugang pa han Presidente, may-ada pa masunod nga mga anunsyo ha mga maabot nga adlaw kasumpay ha kadugangan nga pitad ug bulig han gobyerno ha mga Pilipino.
Gin sigurado pa ni Presidente Marcos nga diri papabay-an an kada Pilipino ha butnga han presente nga gin kakaatubang nga krisis ug padayon nga pagpursige han gobyerno agud abaton han kada balay ha nasud an kaginhawaan.
