-- Advertisements --
TACLOBAN CITY – Gin-anunsyo ni Atty. Vic Rodriguez nga kanselado an nakatalaan unta nga pagdudumaraun nira nga Maisug Peace Rally niyan nga kulop ha RTR Plaza, Tacloban City.
Ha Facebook post ni Rodriguez, in ginyakan hini nga an pagkakakansela in mahitungod han maraut nga panahon, diri puydi nga pagbyahe ha sakayan pandagat ngan limitado nga flights.
Ginpasabot hini nga ira iginbalhin buwas naman nga adlaw, Mayo 26, 2024 an mao nga peace rally.
Pero subay ha mga impormasyon in ginpanbutangan daw kakulop hin mga trucks an mao nga venue.
Abre naman an Bombo Radyo Tacloban para han magkaiba nga kampo para han nasabi nga isyu.
