TACLOBAN CITY- Nagpapaupay ha pagayana an magtala-iroy mahuman an mga ine nga makuryente ha Brgy. Mainit Anahawan Southern Leyte.
Sumala kan PCPT. Joselito Esquillo Acting chief of Police Anahawan Municipal Police Station, subay ha ira imbestigasyon, matungod han kalain han panahon nga na-abat han nakalabay nga adlaw, nakag kawsa ine hin pagkatumba hiton puno han lubi, ngan han katumba hine, nasagi hine an poste hiton kuryente.
Dugang pa han ira imbestigasyon, matungod han kasirom, ngan kamauran han mao nga gabi waray makakita an magtala-iroy nga mayda ngayan live wire an ira gin agi-an, kun diin didto nakuryente an mga ine.
Ha pagkayana, an anak in ada na ha maupay nga kondisyon, pero an nanay hine in igb schedule pa hiton operasyon, matungod han na-angkon hine nga sunog ha lawas tikang ha pagkaka-kuryente.
Gin-kordonan naman han mga otoridad lugar, agud nga waray na madisgrasya pa matungod nga waray pa katangal an nasabi nga poste ha mao nga lugar.
