NATIONAL– Ginlalauman han mga global economist an magigin desisyon han Bangko Sentral ng Pilipinas (BSP) kasumpay ha posible nga pagpapahaluag han patakaran ha ira nagtitikaharani nga meeting yana nga bulan hiton Oktubre.
Kritikal an nasabi nga meeting matungod dinhi pagdedesisyunan kun magkakamayda hin pagbabago ha presente nga monetary policy.
Subay ha panginano han United Overseas Bank (UOB) nga nakabase ha Singapore, may kinahanglan la gihapon para ha kadugangan nga pagtadong ha mga interest rates matungod padayon an paghitaas han presyo han mgapapliton ngan mahinay nga pag-ursa han gross domestic product (GDP) han nasud.
Ginmalatumat han ekonomista han UOB nga hi Jasrine Loke nga may posibilidad la gihapon magkamayda hin usa pa nga 25-basis-point rate cut ugsa nga mahuman an presente nga tuig agud nga mapabilin an momentum han pagribhong han ekonomiya kutob ha tuig 2026.
