TACLOBAN CITY – Patay an duha nga magbugto mahuman nga paratratan hin bala han ginbabana-bana 15 nga waray pa kakilal-i nga mga suspetsado ha Brgy. Bislig, Gandara Samar.
Ginkilala an mga biktima kanda Elex Magbutay, 39 anyos ngan Jessie Magbutay, residente han mao nga barangay ngan parehos mga parag-uma.
Sumala kan Pol. CapT. Ruel Cantillas, OIC, Chief han Gandara Municipal Police Station, nga subay ha ira imbestigasyon nga samtang nag bibiyahe an mga ine ha usa nga salug sakay han ira motorbanca tipakadto ha Brgy. Elena Gandara Samar, in tigda nala an mga ine nga ginparatratan hin bala nga hinungdan han pagkamatay han duha nga biktima samtang an usa nga minor de edad nga ira kaupod in nakadalagan.
Ha pagkayana in padayon pa nga gintutudlok an mga suspek ngan an motibo han mga ini ha mao nga krimen.
