TACLOBAN CITY – May kapot daw nga sadang nga botos an mayorya ha Kamara agud nga
maipasar an balaudnon nga pagbuhi han Sirut kamatayun.
Ini an ginpahayag ni Leyte 3rd District Congressman Ching Veloso subay ha pakighimangraw han Bombo NewsTeam nga mas labi pa daw nga nakag-angkun hin damo nga Suporta an priority Bill han Duterte Administration mahuman nga himuon nga Optional nala an Capital punishment ha pira nga mga krimen tikang ha dati nga mandatory punishment.
Labot hini, mismo an mao nga opisyal na gihapon daw an nagyakan nga kapot na han Mayorya an sadang nga numero agud nga maipasar an mao nga balaudnon.
Gindig-on naman han liderato han Kamara nga igdadayun nira an botosay para han balaudnon nga pagbuhi han Sirut kamatayun yana nga Maabot nga Marso 8 ini in bisan pa daw nga diri pa human an debate ha plenaryo para han mao nga balaudnon
